lu  |  fr  |  en  |  de

   
HEEM  
MENTORING M-PROJ
MENTEE  
MENTOR  
INSCRIPTIOUN  
ORGANISATIOUN &
PARTNER
 
TEAM  
KONTAKT  
PRIVACY POLICY  

Organisatioun an Direktioun vum Programm:


Ënnerstëtzt vum CePAS:


Finanziell Partner:
Ardian Foundation
www.ardian.com


Fondation de France


 

Mentoring ass en Prozess, wou eng erfahren Persoun (Mentor / Mentorin) déi berufflech an perséinlech Entwécklung vun enger manner erfahrener Persoun (Mentee) ënnerstëtzt.

D’Relatioun « one-to-one » erméiglecht d’Entdeckung an d’Entwécklung vum Mentee sengen Potenzialer (Talenter, Kompetenzen) an dat ausserhalb vun engem schouleschen Kontext.

Den M-ProJ Mentoring Programm ass eng Hëllefsmoossnam zur berufflechen Orientéierung déi den Lien tëschent der Schoul an der Aarbechtswelt favoriséiert.

M-ProJ mëscht deenen Schüler eng individuell Begleedung méiglech, déi net onbedéngt an hirem noem Ëmkrees op beruffstäteg Leit treffen kënnen, déi prett an fäeg sinn, si an der schwiereger an wichteger Etapp vun der Studien- an Beruffswiel ze ënnerstëtzen. Besser wéi bei engem Stage an enger Entreprise, erlaabt dësen Mentoring Programm der jonker Persoun vum Bléck vun engem neutralen an guttwëllegen Erwuessenen ze profitéieren, onofhängeg vun dem Schoulsystem oder der Famill. Den individuellen Austausch tëschent Mentee an Mentor dréit dozou bäi dat den Schüler säin berufflechen Projet weiderentwéckelen an räifen loossen kann an, falls erwënscht, och méi perséinlech Sujeten uschwätzen kann.

D’Treffen tëschent den « Mentor-Mentee » Tandem, den mat groussem Soin vun der M-ProJ Equipe zesummen gesat gëtt, erméiglechen den jonken Participant seng Kenntnisser iwwert en bestëmmten Beruff weider ze entwéckelen, déi verschidden Aufgaben kennen ze léieren, ze wëssen wéi eng Kompetenzen dat een muss hunn fir dësen Beruff auszeüben, mee awer och ze wëssen wat fir Schwieregkeeten mat dësem Beruff verbonnen kënnen sinn. Et kënnt fir dat den Dramberuff vun engem jonken Mënsch sech als eppes ganz aneschtes erausstellt wéi dat wat hien oder hat sech virgestallt huet! Déi verschidden Treffen erlaben dem Mentee ausserdeem en konstruktiven Feed-back vum Mentor ze kréien wat den „savoir-être“ betrëfft - virun allem an deen Moment wann hien oder hat mat schaffen ufänken wäert.

Ganz oft entwéckelt sech eng besonnesch wäertschätzent Relatioun tëschent Mentee an Mentor an et kënnt souguer heiansdo fir dat den Kontakt no dem M-ProJ Programm nach weider bestoen bleift, och wann dat net obligatoresch ass.

Eng Réi vun interaktiven Aarbechtsgruppen fir d’Mentoren an d’Menteen déi ugebueden ginn, completéieren den M-ProJ Mentoring Programm.

Den M-ProJ Programm ass schonn duerchgefouert ginn:
An den Schouljoeren 2012/2013 an 2013/2014 mat 50 Schüler aus 2 Lycéeën um Lampertsbierg an am Schouljoer 2015/2016 an 2016/2017 mat 40 respektiv 67 Schüler aus 4 Lycéeën an der Stad Lëtzebuerg an 2017/2018 mat 100 Platzen.
Fir 2018/2019 sinn 30 Platzen fräi fir Schüler aus folgenden 2 Lycéeën an der Staat Lëtzebuerg:

  • Lycée Technique du Centre
  • Lycée Michel Lucius
 


Den M-ProJ Mentoring Programm am Detail an déi 2 Lycéeën an der Stad Lëtzebuerg déi mat maachen…